Një histori me plot dinamika ajo e Gjestit dhe Eglit në Big Brother Vip Albania.

Nëse 100 kamera kanë qenë duke i vëzhguar dhe ne i kemi parë ata në çdo moment të tyre… çfarë do të ndodhë me çiftin kur të dalin nga dera e kuqe?

Nga anon peshorja, nga përputhshmëria apo nga mos përputhshmëria mes tyre? I pyetur për këtë, Gjesti shihet në udhëkryq.

“50/50”- tha ai.

Ndërsa, për Eglin marrëdhënia ka qenë e fortë. Duke theksuar se ka bërë shumë dhe ndoshta edhe më shumë sesa do të duhej, finalistja u shpreh se dëshiron ta vazhdojë romancën me këngëtarin edhe jashtë.

Por, po nëse Gjesti jashtë nuk do të dojë ta vazhdojë marrëdhënien?

“Nuk kam as minimalisht dëshirë për të bërë asnjë përpjekje, më dhëmb shumë por jeta vazhdon. Nëse ai do të vazhdojë jetën e tij, dhe unë do vijoj timen”, u shpreh artistja.

Edhe shumë pak momente na ndajnë nga shpallja e fituesit të Big Brother VIP Albania, ku në dyshën e fundit, sipas të gjitha sondazheve, mund të jenë Gjesti dhe Rozana.

Në një video live në Instagram mes ish-fituesit të Big Brother 6, Anaid Kaloti, Tea Dupi dhe ish-banorit të Big Brother VIP 4, Indritit, Anaidi tregoi se shpallja e fituesit do të bëhet në një mënyrë që nuk e kemi parë më parë, ku dyshja e fundit do të hipin në dy ashensorë dhe do të tregohen se cili është fituesi.

Kjo mënyrë e shpalljes së fituesit rikthehet pas më shumë se 14 vitesh, ku në të njëjtën mënyrë është shpallur fituese Ermela Mezuraj në Big Brother 4.

As në natën finale vëllai madh nuk ka kursyer raportin e çiftit Gjestit dhe Eglit.

Duke iu shfaqur një klip me ulje dhe ngritje gjatë kësaj jave çifti u shprehen se në raportin e tyre ishin të vërtete, shkruan “Kosovarja”.

Por në një pyetje nga Ledioni drejtuar Gjestit se nesë nuk ishin kamerat a do kishte momente më të bukura mes ju të dyve, ndërsa këngëtari tregoi “Se ndjehem mirë dhe nuk do isha ndryshe edhe pa kamera”.

Në fund të fjalimit Gjesti shtoi “Doja të i thoja Eglit se jam krenare që është në finale dhe shumë faleminderit për krejt, në fund ia dolëm”.