Dy vrapues humbën jetën gjatë një gjysmë-maratone në qytetin e Almatit në Kazakistan të dielën, njoftuan organizatorët.

Akkoyan Rsaliyev, 84 vjeç, humbi ndjenjat në fillim të garës, ndërsa Akhmadi, 21 vjeç, kishte përshkuar rreth 16 kilometra (10 milje) kur ndërroi jetë, transmeton klankosova.tv.

Të dy ishin pjesëmarrës të rregullt në gara të vrapimit në distanca të gjata.

”Fondacioni korporativ ‘Guximi për të qenë i Pari’ i shpreh ngushëllimet familjeve dhe miqve të të ndjerëve”, thuhet në deklaratën e organizatorëve siç raporton reuters.

Në ceremoninë hapëse të Kampit Olimpik Stërvitor Tata 2025, presidenti i Federatës Evropiane të Xhudos (EJU), Dr. Toth Laszlo, theksoi rëndësinë e këtij kampi si pjesë e përgatitjeve për Kampionatin Evropian dhe Botëror, që do të zhvillohen në qershor në Budapest.

Gjatë kësaj ceremonie u shënua një moment i veçantë, një rikthim emocional për të nderuar kampionet/ët e Lojërave Olimpike Paris 2024.

Në mesin e të nderuarve ishin edhe kryemjeshtri Driton Kuka dhe Distria Krasniqi, të cilët morën me meritë “Pllakën e Parisit”, si simbol mirënjohjeje për arritjet e tyre të jashtëzakonshme.

Krenaria e Kosovës, shembull i përkushtimit, suksesit dhe përfaqësimit dinjitoz!, shkruan faqja zyrtare e Federatës së Xhudos së Kosovës.

Kuka dhe Krasniqi, nderuan Kosovën me medalje në Paris 2024

Disa huliganë serbë janë parë në një video duke djegur flamurin e Kosovës para sallës “Sava Center” në Beograd, aty ku është paraparë të mbahet Kongresi i 49-të i UEFA-s, ku pjesëmarrëse është edhe shteti i Kosovës me anë të Federatës së Futbollit të Kosovës (FFK).

Në Serbi është ngritur shumë pluhur për shkak se flamuri i Kosovës është valuar në Beograd me rastin e Kongresit të 49-të të UEFA-s, i cili po mbahet në atë qytet.

Agim Ademi, kryetari i Federatës së Futbollit të Kosovës (FFK), ka pozuar pranë flamurit të Kosovës dhe ka shkaktuar stuhi reagimesh në Serbi.

Federata e Futbollit të Serbisë ka njoftuar menjëherë se është gënjeshtër se ka pasur flamur të Kosovës në Kongresin e UEFA-s në Beograd, duke pasur parasysh se Serbia nuk e njeh pavarësinë e Kosovës, por ata vetë e kanë mohuar shpejt.

Dy orë e gjysmë pas shpalljes së parë, Federata e Futbollit të Serbisë lëshoi ​​një të dytë në të cilin vërtetohej se flamuri i Kosovës ishte vërtet në mesin e 54 flamujve në Kongresin e UEFA-s.

Jo shumë kohë më pas, në internet filloi të qarkullonte një video ku shihen disa persona duke djegur mbrëmë (e mërkurë) flamurin e Kosovës para ‘Sava Center’.

Për momentin nuk ka informacione nëse ky është i njëjti flamur me të cilin ka pozuar Ademi apo kanë djegur ndonjë flamur tjetër.